ကိုယ့်သားသမီး ဆယ်တန်းအောင်တာ ဘယ်မိဘမဆိုပျော်တာပဲလေ အခုတော့ ကျွန်မတို့မပျော်နိုင်တော့ပါဘူး

တက္ကသိုလ်ဝင်တန်း အောင် စာရင်းမကြေညာမီ နာရီပိုင်း အလို၊ ဇွန်လ ၇ ရက် ည… ။မိခင်နှစ်ယောက်။ နေရာဒေသချင်းမတူ၊ အသက်အရွယ်ချင်းလည်းမတူ။ သို့သော် တူနေတာတော့ တစ်ခုရှိသည်။ ထိုမိခင်နှစ်ယောက်စလုံး မနက်ဆိုလျှင် သိရတော့မည့် တက္ကသိုလ်ဝင် တန်းစာမေးပွဲအောင်စာရင်းကို မျှော်နေခြင်းဖြစ်သည်။ ထို့ကြောင့်ဒီည ဘယ်လိုမှအိပ်လို့မရ။ အိပ်လို့မရရုံတင်မက၊ နေလို့၊ ထိုင်လို့ပါ ဘယ်လိုမှမကောင်း။ ရင်ထဲမှာတစ်ဆို့နေသည်။ မနက်ဆိုလျှင် သူတို့သားသမီးတွေ၏ ရလဒ်တွေ ထွက်ပေါ်လာတော့မည်။ ကျလျှင်ပို၍ပို၍ စိတ်ဆင်းရဲရမည်။ အောင်လျှင်ကော… ။ သူတို့လေးတွေ အောင်သွားလျှင်ကော မိခင်နှစ် ယောက်စလုံး ပျော်လို့ရပါမည်တဲ့လား။ သားသမီးတွေ ဆယ်တန်းအောင်ခဲ့လျှင်တောင် မပျော်နိုင်လောက်အောင် ထိုမိခင်နှစ်ယောက်ဘာများ ခံစားနေရပါ သလဲ… ။

ပထမမိခင်က မကွေးတိုင်းဒေသကြီး ရေစကြိုမြို့နယ် ပေါက်တောကြီးကျေးရွာမှ ဒေါ်ညွန့်စန်းဖြစ်သည်။ သူ့တွင် သားကြီးတစ်ယောက်နှင့် သမီးနှစ်ယောက်ရှိ သည့်အနက် သမီးအငယ်ဆုံးလေး အသက် (၁၉)နှစ်အရွယ် မအေးမြင့်ကြူမှာ ဒီနှစ်ဆယ်တန်းဖြေဆို ထားလေသည်။ သမီးလေးသည် လိမ္မာလှသည်။ ဘာခိုင်းခိုင်း သွက်သွက်လက် ထလုပ်သည်။ မိဘ အပေါ်လည်း သိတတ်သည်။ ရုပ်ရည်လေးကလည်း ချော၊ အပြောအဆိုကလည်း ရည်မွန်လှသဖြင့် ချစ်ခင်သူမိတ်ဆွေတွေ ပေါလေ သည်။

သမီးသည် ဒီနှစ်မှဆယ်တန်း ဖြေသည်တော့မဟုတ်ပါ။ သမီး ဆယ်တန်းဖြေတာဆို ဒီနှစ်နဲ့ဆို လေးနှစ်မြောက်လေပြီ။ သူငယ်တန်းကတည်းကနေ ခုနစ်တန်းအထိ နှစ်စဉ်ထူးချွန်ဆုတွေရခဲ့ သော သမီးသည် ဆယ်တန်းကျမှ ဘယ်လိုဖြစ်တယ်ရယ်မသိ၊ သုံးကြိမ်တိုင်ကျလေသည်။ သို့သော်သူစိတ်မပျက်။ နှစ်စဉ်ကြိုးစားဖြေ ရှာသည်။ မိဘတွေက တောင်သူ ချောင်လည်လှသည် မဟုတ်တာ မို့ သမီးက အားနာပုံရသည်။ ‘‘ဒီ နှစ် သမီး အောင်အောင်ဖြေမှာပါ’’ဟု ကတိပေးရှာသည်။ရေစကြိုတွင် ဘော်ဒါထား ပေးထားသဖြင့် စာမေးပွဲဖြေသည့် ရက်တိုင်း မိခင်ဖြစ်သူ ဒေါ်ညွန့်စန်းက သွားတွေ့ပေးသည်။ စာမေးပွဲသွားမဖြေခင် မအေကိုကန်တော့သည်။ အစ်ကိုကြီးလိုက်လာတော့ လည်း အစ်ကိုကြီးကိုပါ ကန်တော့ သည်။ စာမေးပွဲပြီးတော့ သူ့ အစ်ကိုကို ပြောသည်။ ‘‘အစ်ကိုရေ ဒီနှစ် သမီးအောင်ကိုအောင်မှာ သိလား။ မအောင်ရင် အစ်ကို သမီးကို ကြိုက်သလောက်ရိုက်’’တဲ့။

စာမေးပွဲပြီးတော့ ရန်ကုန်ကအထည်ချုပ်စက်ရုံတစ်ခုကို သွား လုပ်ဖို့ ခွင့်တောင်းသေးသည်။ သူ့အစ်ကိုက ခွင့်မပြု။ သူ့သဘောက တော့ မိဘတွေ သူ့အတွက်ကုန်တာများနေပြီမို့ တတ်နိုင်သလောက်လေး ပြန်ရှာပေးချင်နေသည်။ အဝေးသွားမလုပ်ရ တောင် ရေစကြိုမှာလုပ်ဖို့ ခွင့်တောင်းသည်။ အောင်စာရင်း ထွက်ပြီးမှ တစ်ခုခုလုပ်ဖို့ ပြောထားရသည်။ သမီးက ရွာထဲကဓမ္မစကူးလ်မှာလည်း ဆရာမအ ဖြစ် လုပ်အားပေးနေသည်မို့ တက္ကသိုလ်ကျူတာဖြစ်ချင်ကြောင်းကို လည်း မိဘတွေကို ပြောပြခဲ့ဖူး လေသည်။

နောက်ထပ် မိခင်တစ်ယောက်ကတော့ မန္တလေးတိုင်း ဒေသကြီး တောင်သာမြို့နယ် ခြုံကြီးအရှေ့ကျေးရွာက ဒေါ်ဖြူ ဖွေးဖြစ်သည်။ ဒေါ်ဖြူဖွေးရော သူ့အမျိုးသား ဦးစိန်သောင်းပါ တောင်သူတွေ။ သူတို့မှာ သား ချည်းသုံးယောက်ရှိသည်။ ဒေါ်ဖြူဖွေးတို့က တောနေတောင်သူတွေပေသိ သားသမီးပညာရေး အထူးအလေးပေးသည်။ ဦးစိန်သောင်းကဆို တို့တုန်းက နေမှမနေခဲ့ရ တာ။ တို့ကလေးတွေတော့ တို့လို အဖြစ်မခံဘူး’’ဟု ပြောကာ သားတွေပညာရေး ထိပ်ဆုံးရောက် အောင် ပခုံးထမ်းတင်သည်။ ဒါ ကြောင့် အခုဆို အကြီးဆုံးက မြင်းခြံနည်းပညာတက္ကသိုလ်မှာ။ အငယ်ဆုံးလေးကတော့ ဒီနှစ်ဆယ်တန်းတက်မည်။ အလတ်လေးကတော့ ဆယ်တန်းဖြေဆိုထား သည်။ ဆယ်တန်းဖြေထားသည့် သားလေးနာမည်က ခပ်ဆန်းဆန်း မောင်တိမ်လွှာမိုးဟူ၏။

ဆယ်တန်းဖြေထားသည့် တိမ်လွှာမိုးလေးက စာဖတ်ဝါ သနာပါ၏။ အားနေစာအုပ် ကလေးတစ်အုပ်နှင့် ငြိမ်နေ၏။ သတင်းစာယူသည့် သူ့အဒေါ်အိမ်မကြာခဏ သတင်းစာသွားသွား ဖတ်သည်။ ပြည်တွင်း၊ ပြည်ပနိုင်ငံရေးအခြေအနေတွေ သူ တော်တော်များများသိလေ၏။

တိမ်လွှာမိုးက ဆယ်တန်းစာ မေးပွဲပြီးကတည်းက သူ့ကိုယ်သူ စာမေးပွဲနဲ့ ပတ်သက်လို့ ယုံကြည်မှုအပြည့်။ ဂုဏ်ထူးတောင်ပါချင်ပါမှာဟု တက်တက်ကြွကြွပြော ဖူးသည်။ ဆယ်တန်းအောင်လျှင် ပြင်ဦးလွင်က ဆိုက်ဘာစီးတီး တက်ချင်ကြောင်းကိုလည်း ပြော သည်။ ဒေါ်ဖြူဖွေးတို့ကတော့ မင်းသာအမှတ်မီပါစေ အမေတို့က လုပ်ပေးဖို့အသင့်ဟု ပြောခဲ့သည်။တိမ်လွှာမိုးက ဆယ်တန်း အောင်လျှင် သူ့ကို ဖုန်းတစ်လုံးနဲ့ ဆုချဖို့ပြောသည်။ ဖအေဖြစ်သူက လည်း အောင်တာနဲ့ ချက်ချင်းသွားဝယ်ပေးဖို့ ဆုံးဖြတ်ထားသည်။ သားက နောက်ထပ် တောင်းဆိုတာ ရှိသေးသည်။ သူအောင်လျှင် ရွာထဲတစ်ခုခု ကျွေးချင်ကြောင်း ပြောသည်။ မိခင်ရော ဖခင်ကပါ စဉ်းစားထားပြီး သားမို့ အလွယ်တကူပင် ခေါင်း ညိတ်ခဲ့လေသည်။

ဆယ်တန်းဖြေထားသည့် သမီးအတွက် မျှော်လင့်ချက်တွေ ပြည့်နေခဲ့သော ဒေါ်ညွန့်စန်းတစ်ယောက် သူ့အိပ်မက်တွေ ရိုက်ချိုး ခံရဖို့ အကြောင်းဖန်လာခဲ့သည်။ အောင်စာရင်းမထွက်မီ နှစ်လခန့်အလို မတ်လ ၂၄ ရက်နေ့ မနက်ကဖြစ်သည်။ အနီးနားရွာတစ်ရွာသို့ သွားသည့် ဒေါ်ညွန့်စန်းကို သမီးမအေးမြင့်ကြူက ဆိုင်ကယ်ဖြင့်လိုက်ပို့ပြီးအပြန် သူတို့နေထိုင်ရာရွာထဲတင် ကုန်ကားတစ်စီးနှင့် သမီး တိုက်မိကာ သမီးဖြစ်သူ ဆုံးပါးသွားခဲ့ရလေသည်။

အလားတူ သားအတွက် ရည်မှန်းချက်တွေ တောင်လိုပုံခဲ့သော ဒေါ်ဖြူဖွေးလည်း ထိုတောင်ကြီးပြိုကျခဲ့သည်။ အောင်စာရင်း မထွက်မီ ငါးရက်အလို ဇွန်လ ၃ ရက် ညနေက ဖြစ်သည်။ ရွာထဲက သူငယ်ချင်းအချို့နှင့် ခဏဆိုပြီးထွက်သွားလိုက်တာ အတော်ကြာမှ သတင်းဆိုးတစ်ခု ရောက်လာခဲ့သည်။ သူတို့နှင့် လေးမိုင်အ ကွာလောက်က နဘဲကန်ဆည်မှာ သားလေး ရေနစ်လို့တဲ့။ သူတို့ အပြေးအလွှားသွားခဲ့ကြသည်။ သို့သော် အသက်မမီတော့။

ဒေါ်ညွန့်စန်းတို့ မိသားစု ရော ဒေါ်ဖြူဖွေးတို့ မိသားစုပါ ဖြစ်စဉ်ချင်းမတူပေမယ့် သားသမီး တွေအတွက် သောကမီးတွေ တောက်လောင်ပုံချင်း တူခဲ့ကြ သည်။ မိသားစုကိုယ်စီ စိတ်ဆင်း ရဲကိုယ်ဆင်းရဲဖြင့် ဆယ်တန်း အောင်စာရင်းထွက်မည့်ရက်ကို ရောက်လာခဲ့သည်။ အောင်စာ ရင်းမထွက်မီညက မိသားစုကိုယ်စီ အိပ်လို့မပျော်။ သူတို့သားသမီးတွေ စာမေးပွဲအောင်မှ အောင်ပါ့ မလား စိတ်ပူရသည်။ သို့သော် အောင်တော့ရော သူတို့သိမှ မသိ နိုင်တော့တာဟူသည့် အတွေး က ဝင်လာပြန်သည်။ ဘယ်လိုပဲ တွေးတွေး စိတ်တွေပဲဆင်းရဲခဲ့ရ သည်။

ဇွန်လ ၈ ရက် မနက် မိုးမလင်းမီပင် ထိုကလေးနှစ်ယောက်၏ စာမေးပွဲရလဒ် ထို မိသားစုနှစ်စုဆီ ရောက်လာခဲ့ပါသည်။ ထိုရလဒ်သိရခါနီး ရင်တွေ တဒိန်းဒိန်းခုန်လာခဲ့ကြသည်။ မနက်လင်းချိန်မှာတော့ သတင်း စကားကိုယ်စီ ကြားခဲ့ရသည်။ တမလွန်ရောက်သွားပြီဖြစ်သည့် နှစ်ဦးစလုံး ဆယ်တန်းကို အောင် မြင်ခဲ့ပြီ။မိသားစုနှစ်စုစလုံး ယူကျုံးမရ ဖြစ်ကြရသည်။ မိခင်နှစ်ယောက်စလုံး ရင်ထုမနာ ဖြစ်ကာ မျက်ရည်တွေကျရသည်။ သူတို့စာမေးပွဲ အောင်သွားတာလေးတောင် မသိလိုက်ရတဲ့အဖြစ်။မိသားစုဝင်တွေ ရင်တွေနာရသည်။ သားသမီးတွေ ဆယ်တန်းအောင်လျှင် ဘယ်မိဘမဆို ဝမ်းသာလိုက်ကြမှာမလွဲ။သို့သော် သူတို့တွေမှာတော့ မျက်ရည်လည်ရွှဲ။ရေစကြိုနယ်က မအေးမြင့် ကြူက သူစာမေးပွဲအောင်လျှင် ဓမ္မစကူးလ်က ကလေးတွေကို ကော ရွာထဲကလူတွေကို တစ်ခုခုကျွေးချင်ကြောင်း ပြောဖူးသဖြင့် သူစာမေးပွဲအောင်မြင်သည့် အထိမ်းအမှတ်အဖြစ် မုန့်ဟင်းခါးကျွေးရန် မိသားစုက တိုင်ပင်ထား သည်။ တောင်သာနယ်က တိမ် လွှာမိုးလေးကလည်း ထို့အတူ။

တိမ်လွှာမိုးကတော့ ယနေ့ဇွန်လ ၉ ရက်တွင် သူ့ရက်လည် ဖြစ်သည်။ ရက်လည်နေ့မှာပင် ဘုန်းကြီးဆွမ်းကပ်ပြီးနောက် သူစာမေးပွဲအောင်သည့် အထိမ်းအမှတ်အဖြစ် တစ်ရွာလုံး မုန့်ဟင်းခါးကျွေးမည်ဖြစ်သည်။ ထုိ့အပြင်နေ့ခင်းမှာ သူ့ဆရာ၊ ဆရာမ ၄၀ ကျော်ကိုဖိတ်ပြီး ဂုဏ်ပြုထမင်းစားပွဲ ကျင်းပပေးရန် မိသားစုက စီစဉ်ထားပြီးဖြစ်လေသည်။ ဆယ်တန်းအောင်၍ ကျွေးမွေးသည့်ပွဲမှာ ကာယကံရှင်ကလေးတွေကတော့ ရှိမနေတော့ပါ။ သူတို့သည် ပြန်မလာနိုင်တော့သည့် ဟိုးအဝေးကြီးကို ထွက်သွားခဲ့ကြပြီဖြစ်သည်။ ‘‘ကိုယ့်သားသမီး ဆယ်တန်းအောင်တာ ဘယ်မိဘမဆိုပျော်တာပဲလေ။ အခုတော့ ကျွန်မတို့မှာ… ’’ ဒေါ်ညွန့်စန်းတစ် ယောက် ဆက်မပြောနိုင်တော့။အသံတွေ တိမ်ဝင်သွားခဲ့လေသည်

Leave a Reply

Your email address will not be published. Required fields are marked *